Tvö ritanna eru ætluð almenningi, "Heimili þitt geymir eld í æðum" sem fjallar um mögulegar hættur af völdum rafmagns í eldra húsnæði og "Tíu ráð um rafmagnið" sem hefur að geyma ráðleggingar um umgengni við rafmagn og rafbúnað. Þrjú ritanna fjalla um kröfur sem gerðar eru til raffanga og eru ætluð söluaðilum þeirra, framleiðendum, innflytjendum og öðrum seljendum. Það eru "Reglur um markaðssetningu raffanga" sem fjallar almennt um þær kröfur sem í gildi eru og ritin "Forðist hættuleg rafföng" og "Staldraðu við áður en þú kaupir" sem fyrst og fremst eru ætluð þeim sem kaupa inn rafföng, s.s. innkaupastjórum, og innihalda ráðleggingar til þeirra.

Ofangreind rit ásamt fleiri upplýsingum um rafmagnsöryggi má nálgast hér.