Slökkviliðasvið fer með yfirumsjón Mannvirkjastofnunar með slökkvistarfi sveitarfélaga í þeim tilgangi að tryggja virkt slökkvistarf á landinu öllu. Sviðið sér um eftirlit Mannvirkjastofnunar með því að slökkvilið séu þannig skipulögð, búin tækjabúnaði og mönnuð, með mannskap sem hafi næjganlega menntun og þjálfun til að sinna hlutverki sínu, að það ráði við þau verkefni sem því eru falin með lögum nr. 75/2000. Þetta er m.a. gert með úttektum á slökkviliðum, vatnsveitum og búnaði slökkviliða. Auk þess hefur slökkviliðasvið umsjón með samþykkt Mannvirkjastofnunar á brunavarnaráætlunum sveitarfélaga.